ALABUS

ALABUS

Siciliae fluv. Ptolemaeo, a Pachyno Pelorum versus incedens, Α᾿λάβου ποταμοῦ ενβολαί. Silio Alabis dicitur l. 14.

Nec non qui potant Hypsumque Alabinque sonoros.

Apud Hesychium legitur Α᾿λαβὼς ποταμὸς. An sine mendo, alii viderint. Certe non vidit Schrevelius in nupera Hesychii editione. Diodoro Sic. l. 4. et Stephano formatur Α᾿λαβὼν. Apud Vibium quoque Alachis corrupte pro Alabis. Cantaro dicitur Fazello. Est etiam oppid. Steph. Α᾿λαβὼν, πόλις καὶ ποταμὸς. Inde populi Alabonii. Apud Plut. in Timoleonte, Α῎βολον pro Α῎λοβον. Porro

Alabum amnem Hyblae proximum Bochartus l. 1. c. 28. dictum purat ab chalava, i. e. dulcedine, voce Arabicâ quidem, sed a verbo Gap desc: Hebrew deductâ, quod Syris etiam est γλυκάζειν, i. e. dulcescere unde et nomen Gap desc: Hebrew mellis epitheton, Ezech. c. 3. v. 3. et alibi passim. Nic. Lloydius.